經過一番嚴選，我哋喺超級多喺優質食店裡面整理出呢份台北最好餐廳名單。台灣嘅美食文化急速崛起，好快就會舉世聞名。好多品牌由台北巷道小店拓展規模，進駐咗東南亞地區，喺不久嘅將嚟仲會進軍世界各地！一班時尚、挑剔嘅食客亦吸引咗好多世界頂級廚師嚟到台北開店，令呢度既美食更加多元化。

台北 101 地標高到上天，一支獨秀，絕對係信義區天際線嘅亮點；而購物中心就喺較低樓層，呢度匯聚咗一系列奢侈國際品牌同環球餐飲美食，又獲選為亞洲最好嘅購物中心之一，實至名歸。

只要嚟台北一遊，你就可以領略整個台灣島與眾不同嘅各種特色。宏偉嘅政府大樓、莊嚴嘅紀念館、世界一流嘅博物館，同埋美麗鄉郊中雲霧繚繞嘅山脈，各種令人驚嘆嘅美麗景色都喺離酒店唔太遠嘅地方。

高雄擁有各式各樣嘅酒吧、的士高同夜總會，鍾意派對狂歡嘅旅客就一定唔可以錯過。要享受最正嘅時光，當然要清楚呢啲派對喺邊度舉行。所以我哋專登為你搜羅咗全城最人氣爆燈嘅「蒲點」，等你盡情狂歡。

高雄購物體驗可以媲美台北，都係令人興奮，商場同市場應有盡有，任君選擇。好似台灣各地咁，夜市就係呢度嘅焦點好去處，有大量平靚正商品同街頭小食，等你發掘！高雄部分巿場只會好專咁賣一種產品，所以如果你想有更多同類選擇，只要搵啱巿場，就一定可以搵到心水商品。

高雄係台灣第二大城市，擁有精彩嘅歷史同埋充滿活力嘅未來，佢嘅起源遠到明朝果時，仲係島上最古老嘅城市之一。遊覽高雄，絕對唔可以錯過呢啲古蹟景點！

台南 5 大最正夜生活熱點

到餐廳食嘢，基本上係台北當地居民嘅日常活動。同西方社會相比，台北人相對少 D 自己煮飯，而係選擇出去享用款式又多、又經濟實惠嘅美食。所以多到數唔到嘅一流餐廳喺當地應運而生。 好似下面咁講，個別頂尖餐廳供應嘅菜式好少，貴精不貴多；部分仲只提供 1 種美食出名，菜單只係推出果款菜式同埋變奏版本，就已足夠啦。講真果句，就連鼎泰豐呢類鼎鼎大名嘅名牌食店，都係由超簡樸嘅經營方式起家，難怪「獨沽一味」有時可以成為潮流指標！

台式鹽酥雞就咁睇好似普通炸雞，其實係好味到不得了嘅街頭小食！店主會將炸好嘅雞肉切成一啖 size 嘅雞塊，再灑上各種調味粉，鍾意食辣嘅話，可以要求加多啲辣椒粉，夠哂惹味醒神。

蠔仔麵線台灣叫做「蚵仔麵線」，一般做法係將麵條放入湯羹裡面煮熟，然後係麵線上面加入新鮮蠔仔。雖然好多人認為應該用筷子食呢種半透明嘅麵線，其實單手攞起湯匙畢嚟食仲方便！走入夜市，你會見識到不同款式嘅蠔仔麵線，多數都裝係細發泡膠碗裡面，俾埋膠匙你方便即買即食。